El miércoles 28 de febreru entama’l Taller Escrifala, taller de conversación y de redacción n’asturianu, de calter gratuitu, que dende esi día va desarrollase tolos miércoles, nel Centru Sociocultural de Las Vegas/Les Vegues.

Esti taller va centrase n’esclusiva nel usu oral del asturianu y na meyora del asturianu escrito. Asina les coses, quier ser una manera de conocer les posibilidaes espresives del asturianu, estremando rexistros, aumentando’l léxicu, etc.; y tamién un mecanismu d’afondar y encuriosar la manera d’escribir en llingua asturiana.

Acordies con estes característiques, recomiéndase tener un conocimientu previu, dirixéndose n’especial p’aquelles persones que yá fixeran cursos d’asturianu (niveles básicu y avanzáu).

Esti taller tien una duración de cincuenta hores con dos períodos de sesiones, de febreru a mayu y d’ochobre a avientu.

El taller Escrifala va desenvolvese en sesiones selmanales de dos hores caúna que van facese cada miércoles, dende les 18 a les 20 hores, emprimando éstes el miércoles 28 de febreru. 

Les persones interesaes han inscribise nos rexistros municipales.

Más información:

Oficina Joven- Corvera de Asturias

Centro Sociocultural de Las Vegas

Plaza de la Libertad, 1  C.P. 33.404

985 51 40 01 (Ext. 34)