Navegación por categorías

Navegación por categorías

Cursu básicu de Llingua Asturiana. Corvera

13/02/2017
Dende esta selmana y hasta'l 28 de febreru, ábrese'l plazu pa inscribise nel "Cursu Básicu de Llingua Asturiana".

Dende esta selmana y hasta'l 28 de febreru, ábrese'l plazu pa inscribise nel "Cursu Básicu de Llingua Asturiana" que, igual que n'ediciones anteriores, quier ser un mecanismu pa la población adulta de deprendimientu de les normes básiques d'escritura del idioma, pero tamién una manera d'acercase a tantos d'aspectos de la cultura asturiana.

El cursu, con una duración de trenta hores y de carácter gratuitu, va ser impartíu pol técnicu responsable del Serviciu de Normalización Llingüística de Corvera, Rafael Rodríguez Valdés. L'horariu del mesmu va ser tolos martes de 18 a 20 hores, siendo la primer sesión el próximu martes 28 de febreru nel Aula Polivalente del Centru Sociocultural de Las Vegas/Les Vegues.

Los conteníos d'esti cursu son los que s'indiquen de siguío:

  • Historia de la llingua asturiana;
  • La llingua asturiana: léxicu, sintaxis y morfoloxía;
  • Normes ortográfiques;
  • Introducción a la toponimia de Corvera;
  • La creación cultural n'asturianu.
     

Inscripción abierta hasta'l 28 de febreru.

Inscripciones nos rexistros del conceyu; les clases van ponese nel Centru Sociocultural de Las Vegas/Les Vegues, siendo la primer sesión el martes 28 de febreru.

Más información: 985 51 40 01.

news-search-juventud Portlet

Navegador por categorías personalizado